rafozan-doza

Asa, tsy haiko na hampivoatra ny teny malagasy ilay hetsika  na hoe hamporisika antsika hitia ny teny malagasy fa za moa dia mankasitra foana izay mety hoe hetsika atao mikasika ny fitiavana ny teny malagasy izany. Faly sy tena hoe mirehareha kely ery aho nahita  an'ilay hoe "rango-pohy" hoe teny gasy vao noforonin'ny troupy gasy mpampita vaovao sy mpitafatafa tao @ twitter hilazana ny hoe"paraphe". Noraisin'ny gazety ilay izy. Jereo gazetiko androany 18 Martsa 2011. Tsy asiko rohy satria eo @ pejy fandraisana le izy dia mety miova hoazy rampitso... ny tiako hahatongavana dia ny hoe mety ho tena lasa teny offisialy tokotrany an!!

Dia lasa ny saiko hoe, dia manina tokoa moa ra asiana adihevitra mikasika ny hoe fananganana sy famoronana teny malagasy @ ireo zavatra misy any ivelany sy eto antoerana kanefa mbola tsy misy ny hoe teny malagasy iray hoe voambolana iray azo ilazana azy. Anisan'ny hoe problematika izay lasa hoe fialana bala ampiasantsika @ hoe tsy fampiasana teny gasy isak'izay mihetsika izao manko ilay hoe tsy ampy ny voambolana... ka hoy aho hoe ndao foronina ny voambolana ee... tsy vaotery hiandry krizy eto @ firenana sy hoe zavatra hitranga ka ho resahina any @ twitter (mba misy anarana gasy an'io ve?) vao hoafaka hanana voambolana malagasy isika...

i jentl moa izany efa mpanao an'izy ity hoe mamorona teny rehefa tsy misy fa izany hoe tonga dia lazainy sy ampiasainy ilay izy fa tsisy adihevitra ary hoe zara raha fehezan-teny iray na roa no mikasika an'izay fa hoe lahatsotra miresaka zavatra hafa no tena ifantohana. Dia mba izay no tiako lazaina eto hoe resa-dresaho rankizy an. Tena hoe manokana lahatsoratra iray mihintsy hoe ity no sosokevitra momba an'ity. @ izay mba tena mifantoka @ ilay voambolana ny lahatsoratra sy ny hoe mifantoka any ny saintsika ee...

Ka ho atomboko @  "ascenceur" ary izany, na koa hoe "elevator" na "lift" hoan'ny anglisy. Araka ny efa fantatsika moa dia izy ity dia karazana trano kely miaka-midina ampiasain'ny olona rehefa hoe avobe ny trano ka tsy vita antongotra ny dia fiakarana. Na koa vita fa kamo be tsotra izao ee...  Ny tonga tany an-tsaiko voalohany dia ny hoe "solotohatra" izao kandida azo raisina. Kanefa refa nandika dia otran'ny tsy mety indray satria ny zavatra hoe "solo" rehetra dia hoe solona ratsam-batana izany na hoe misy ifandraisana @ vatan'olombelona ee. Ohatra hoe solomaso, izany  manampy ny maso. Solosofina, manampy ny sofina hoe hihainoina. Solonify, manolo ny nify. Solosaina, dia manampy ny saina... ny tohatra anefa tsy @ vatana fa efa hoe zavatra namboarin'olombelona ka izay no tsy mampety azy.

Dia nieritreritra indray hoe "fiaramiakatra" na hoe  "fiaramiakamidina" satria ny fiara izany dia ilay fitaovana vy mampiasa motera ary manampy ny olona hifindra. Otran'ny hoe fiarakodia na koa hoe fiaramanidina na hoe fiaran-dalamby. Otran'ny tsy dia mety loatra anefa ny fanenony any antsofiko fa asa ny fahenonareo azy. Satria fanenon'ilay izy otran'ilay fiara any @ futur ireny hoe miakatra ny building mande mafibe.  Otran'ny tomobila ny endriny no tiako tenenina...

Ka inona no mety ary ee?
refa tsy mahita manko dia mety hoatao hanaraka honomatope izy ity... lasa hoe asanisera na hoe elevatora na lifitra.